سر نجاح الكيك



السلام عليكم 
بحثت كتير عن طرق عمل كيكة ناجحة وطبعا كالعادة كل وصفة قراها او بشوفها من النت بتكون مختلفة عن الثانية ونحنا مابنعرف اي طريقة هيي الاصح 
جربت اكثر من طريقة مثلا انو حط كل مكونات الكيك بالخلاط واضربهن ومانجح معي 
جربت كمان طرق تانية كان الكيك يطلع معجن غير مستوي وطلع السبب حرارة الفرن العالية 
واليوم كان عيد ميلاد بنتي والدنيا حظر بسبب كورونا وقلت رح حاول اعمل كيك وان شاء الله يطلع ناجح 
وبالفعل الكل طار عقلهن عليه وطلع طيب كتييير رح اشرحلكن طريقته البسيطة بالتفصيل
المكونات
4بيضة 
كاس ونص سكر
ملعقة صغيرة فانيلا
ملعقة صغيرة خل ابيض
نص كاس زيت اونا
3 كاس طحين 
ملعقتين صغار بيكنج باودر
كاس حليب
بالخلاط يوضع البيض والفانيلا والخل والسكر ويخفق كثيييرا ثم يضاف الحليب والزيت ويخفق حتى يصبح لونه ابيض  
يوضع البيكنغ باودر مع الطحين ويقلب جيدا 
يضاف الخليط الطحين والبيكنج باودر فوق الخليط السائل تدريجيا ويخفق باليد وليس بالخلاط 
حتى يتماسك الخليط
يوضع في قالب كيك مرشوش اسفله طحين 
ويوضع في فرن محمى سابقا على درجة حرارة 180 درجة من تحت نصف ساعة تقريبا ثم من فوق حتى يحمر الوجه
ملاحظة 
لايفتح الفرن نهائيا 
يوضع في الطبقة السفلية
عند استوائه يفضل ابقائه داخل الفرن ويفتح باب الفرن حتى لاتتغير الحرارة ويخفس الكيك
عندما يبرد يخرج من الفرن ويزين بالطريقة التي تحبيها 
ان شاء الله اكون افدتكم ولاتنسوني من دعواتكم
\

إرسال تعليق

Post a Comment (0)

أحدث أقدم